Ek is ‘n “teacher”


To all the English readers of this blog you can find the English translation of this post here.  It is a motivational letter to teachers. For posts on this topic that are already on this site please click here.

Dit is amper weer tyd vir skool! Ek is al Woensdag (die 7de Jan) terug skool toe en ek hoop dat almal wat Maandag teruggaan ‘n geseende jaar sal he. Omdat ons as onderwysers so baie negatiewe kommentaar kry het ek ‘n paar slim mense gevra om ons ‘n bietjie te motiveer. As jy iets motiverends het om te se laat weet my asseblief. Onderwys is so ‘n belangrike beroep en ons moet saam staan. Debbie de Jager het vir ons hierdie baie inspirerende brief geskryf. As jy meer met haar wil gesels kontak haar hier:

Kontak nommer: +27 (0) 79 498 4875

Epos: debbiedejager@johnmaxwellgroup.com

Webtuiste: http://johncmaxwellgroup.com/debbiedejager/

Webtuiste: http://dare2lead.co.za

Facebook

Ek gee nou oor aan Debbie:

“MÔRE KLAS!”

As dít die manier is waarop jy mense by jou werksplek groet, is dié spesiaal vir jou geskryf. Volgende week begin die skole weer. Hoekom gaan jy terug? “Want dis my werk!” Is dit jou antwoord? Jy is die juffrou of meneer wat ander mense se stoute kinders of tieners deur nog ‘n jaar moet help, met baie moeite en min waardering. So ja, dis jou werk. Jy’t dit mos gekies.

Ek glo dat baie dinge in ons lewens beter kan word as ons net sou stilstaan vir ‘n oomblik en onsself ‘n paar vrae vra. So om terug te kom na my eerste vraag: Hoekom gaan jy terug? Of eerder, hoekom het jy onderwys gekies? Wat het jou gemotiveer om ‘n onderwyser te word? Kom ons wees eerlik, geen tiener maak klaar met hoërskool en dink ‘ek kan nie wag om terug te kom nie’! So wat is dit wat jou lewe in hierdie rigting gestuur het? Ons almal weet dit was nie oor geld nie…

Miskien vier vakansies? Of was dit ‘n liefde vir kinders, vir mense…?

Jy sien, motivering speel ‘n baie groot rol in ons lewens. Hoekom ons sekere dinge doen sal uiteindelik bepaal hóé ons dit doen. As jou motivering baie laag is, sal jy tog nie jou beste insit in ‘n les wat jy al twintig keer aangebied het nie. En as jou motivering baie hoog is, sal jy daardie selfde les vir ‘n een-en-twintigste keer aanbied asof dit die eerste keer is wat jy dit vir enige iemand leer. Dis hoekom motivering verskriklik belangrik is.

Ek hoor jou – en al die ander onnies (kan ek julle maar so noem?) – wat met teleurstelling sug en sê dat motivering saam met dissipline by die deur uit is. Daarna is dit doodgedruk deur ander onderwysers wat kompeteer vir posisie en leierskap wat geen simpatie en belangstelling toon nie.

Maar hierdie realiteite was nie daar toe jy jou lewe gekies het nie. En niks van hierdie probleme behoort invloed te hê op jou motivering nie.

Ek wil jou uitdaag om terug te gaan na die tyd toe jy opgewonde was om skool te hou. Die motivering, my liewe juffrou en meneer, was binne-in jou – nie buite nie. Jy was opgewonde. Jy het liefgehad. Jy het hoop gehad. Ek wil jou uitdaag om die eerste skooldag van 2015 anders te begin as vorige jare. Begin met ‘n hart vol verwagting en opgewondenheid. Miskien sal die volgende paar punte jou moed gee vir hierdie nuwe skooljaar.

1. Jy het net 197 skooldae om ‘n groep mense se lewens te verryk. Ja, daardie klomp wesens wat nie kan spel nie en heeldag na elektroniese toestelle in hulle hande staar, is die volgende generasie – en JY het 197 dae van hulle lewe in jou hande! Hou op om jou vak aan te bied. Leer mense. Dink aan jou gunsteling onderwyser toe jy op skool was. Wens jy nie daardie onnie kon al jou vakke aanbied nie? En wat het daardie onderwyser spesiaal gemaak? Jy kan vir die kinders en tieners in jou klas, ‘n “gunsteling onnie” word. Aan die einde van elke dag, vra jouself of jou leerders beter af is omdat hulle vandag met jou tyd spandeer het. Die antwoord sal jou sê of jy lewens verander het of net tyd laat verby gaan het.

2. Moenie vergeet dat daardie leerder wat voor jou sit dalk die enigste liefde van ‘n volwassene by jou as onnie gaan kry nie. Jou woorde en jou dade gaan ‘n lewenslange uitwerking op daardie kind se lewe hê. Ja, hulle kan jou mal maak en jou moed het dalk in jou skoene gesak toe jy uitvind ‘n sekere mannetjie is hierdie jaar in jou klas! Maar dis juis daardie kind wat jou nodig het. Doen bietjie moeite in 2015 met onmoontlike kinders. Gee ekstra aandag en liefde. Die grootste verandering kom net as gevolg van groot liefde. Jou woede en kwaai woorde gaan geen verskil maak nie. Dit gaan waarskynlik net die seer wat alreeds diep gewortel is, verskerp. Jy kan die kwaai onnie wees vir wie almal bang is of jy kan die onnie wees wat lewens verander.

3. Elke leerder wat voor jou sit, het potensiaal. Hulle besef dit dalk nie eens self nie. Maak ‘n keuse om elkeen se potentiaal raak te sien, maak nie saak hoe stil of hoe stout die kind is nie. Jou geloof in hulle is dalk al wat hulle nodig het om suksesvolle volwassenes te word. Die beste en mooiste geskenk wat jy vir jou leerders kan gee is om in hulle te glo wanneer hulle nie eens in hulself glo nie. Moenie net in die 80% en 90% leerders glo nie. Kyk vir daardie outjie wat 50% kry en sê vir hom julle gaan saam werk om dit 55% te maak!

4. JY HET POTENSIAAL! Potensiaal is ‘n saad wat nooit doodgaan nie en dis binne-in ons almal geplant. Wat is jou potentiaal? As jy dieselfde mens is as wat jy laas jaar was, het jy nie gegroei nie. Verandering is nodig! Jy moet groei. Jy moet jou potentiaal najaag! Jy moet ‘n beter mens en onderwyser word! Jou potentiaal eindig die dag wanneer jy jou laaste asem uitblaas. Moenie dat dit vroeër eindig nie. Gee jou alles – vir jou man of vrou; vir jou eie kinders; vir jou leerders; vir jou kollegas; vir jou hoof; vir jouself. Moet niks terughou nie. Leef ten volle.

5. En dan laastens, hou passie lewendig in jou hart. Ek ontmoet onderwysers op ‘n daaglikse basis wie se passie-vlam lankal geblus is. Ek besef dat daar baie redes is, maar passie is ‘n hartsaak. Wanneer jy passie het vir wat jy doen, het jy nie motivering nodig nie – jou passie motiveer jou.

Steek weer daardie vuurtjie aan die brand en raak opgewonde oor die invloed wat jy op mense se lewens kan hê! Jy is SO NODIG in ons samelewing! Ons het jou nodig! Die wêreld het jou nodig!

Ek wil graag eindig met ‘n ietsie oor myself. Ek het jare terug ‘n woord gekies wat ek dink my as mens 100% beskryf. Sonder om vir iemand daarvan te vertel het ek toe vir my man, my ma en vir ‘n vriendin ook gevra om vir my ‘n woord te kies. Ek het nie woorde om vir julle te sê hoe opgewonde ek was toe hulle almal dieselfde woord as ek gekies het nie. My woord is “teacher”. Ek hou nie skool nie, maar dis WIE ek is. Ek IS ‘n “teacher”. Daar is nie ‘n dag in my lewe wat ek nie vir iemand iets wil leer of self iets wil leer nie. Dis asof dit my hartklop is. En dit is die rede vir hierdie brief aan jou. Ek het ‘n passie vir onderwysers en ek wil jou graag help om jou passie lewendig te hou.

Teen die muur in my studeerkamer regoor my lessenaar staan geskryf: “I was born to serve specific people! I have got to find them!” Ek wil jou uitdaag om elkeen wat jou pad langs kom te sien as iemand vir wie jy gebore is. Jy is veronderstel om in hulle lewens te wees. Maak dit die beste tyd van hulle lewens en dit sál jou beste tyd wees.

Onnie-groete!

Debbie

Debbie De Jager

Certified John Maxwell Coach, Teacher & Speaker




finalemovement

Deel die volgende asseblief op Facebook en Twitter:

“Inspiration for teachers https://sunflowersandcoffee.wordpress.com/‪#‎ITouchTheFutureITeach‬

Ons is ook op Pinterest.

Hier is jou kans om ons te inspireer. As jy ‘n blog het kliek op die blou padda en “link up” indien nie lewer kommentaar of stuur ‘n e-mail aan amanda.calitz1@gmail.com en ek sal sorg dat almal daarvan hoor.

Advertisements

Published by

Sunflower

Very creative. Happily married. Living on a plot with my husband and two dogs. Loving life.

5 thoughts on “Ek is ‘n “teacher””

  1. Ek vermoed jou post gaan ‘viral’ gaan in die vlge weke, dit is baie goed geskryf en baie relevant. Kan jy dalk – voor dit viral gaan – potensiaal (nie potentiaal) se spelling korrigeer?

    Like

  2. Sjoe , so baie dankie vir hierdie boodskap ! Juis gewonder hoekom ek moet terug gaan Maandag . Onderwys is my passie maar soms voel dit net of niemand jou hardewerk waardeer nie , nie ouers , nie leerders of jou hoof nie . Maar ek sal weer voor daardie Gr2 s gaan staan en seker maak ek maak n verskil ongeag hulle kleur of godsdienstige oortuigings . Na 28 jaar is ek nog steeds n TEACHER !

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s